സംസ്ഥാനത്ത് കാലാവസ്ഥ ആരംഭിച്ചു, സാധാരണ ജൂൺ ഒന്നിന് എത്തേണ്ട കാലാവർഷം ഇത്തവണ മൂന്ന് ദിവസം വൈകിയാണ് എത്തിയത്.
കാലവർഷം എത്തിയതോടെ സംസ്ഥാനത്തുടനീളം പരക്കെ മഴ ശക്തമായി. വരും ദിവസങ്ങളില് അതിശക്തമായ മഴയ്ക്കുള്ള സാധ്യത മുൻനിർത്തി വിവിധ ജില്ലകളില് ജാഗ്രതാ നിർദേശം പുറപ്പെടുവിച്ചിട്ടുണ്ട്. ഇന്ന് തൃശ്ശൂർ, എറണാകുളം, ഇടുക്കി, കോട്ടയം, ആലപ്പുഴ എന്നീ അഞ്ച് ജില്ലകളില് ഓറഞ്ച് അലർട്ട് പ്രഖ്യാപിച്ചു. മറ്റ് ജില്ലകളില് യെല്ലോ അലർട്ടും നിലവിലുണ്ട്.
മഴയുടെ തീവ്രത വരും ദിവസങ്ങളില് കൂടുമെന്നാണ് കാലാവസ്ഥാ പ്രവചനം. മറ്റന്നാള് (ജൂണ് 6) തിരുവനന്തപുരം, കൊല്ലം, ആലപ്പുഴ ഒഴികെയുള്ള 11 ജില്ലകളിലും കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചിട്ടുണ്ട്. മലയോര തീരദേശ മേഖലകളില് ഉള്ളവർ പ്രത്യേക ജാഗ്രത പാലിക്കണമെന്നും അധികൃതർ നിർദ്ദേശിച്ചു.
Tags
കാലാവസ്ഥ
